بسم الله الرحمن الرحیم ،الحمد لله رب العالمين والصلاه والسلام على سید المرسلين وعلى اله وصحبه اجمعين

“ ټکنالوجۍ او نوښت د هیوادونو په وده کې مهم رول لوبوي. د انسانانو په لاس د ټکنالوجۍ پرمختګ د اوږدې مودې راهیسې په دوامداره توګه وده کړې ده، هر کال موږ د نویو ټکنالوجیو د راڅرګندېدو خبرونه اورو. د نن ورځې ټکنالوجیو سره آشنا کیدل ممکن د حکومتدارۍ ډول، سوداګري یا آن زمونږ د ژوند د ډول بدلولو پریکړه وکړي، په دې وروستیو لسیزو کې، ټکنالوجیکي پرمختګونو او اړوندو بدلونونو په نړیوالو بازارونو، حکومتونو او ورځني کارونو باندې لویې اغیزې کړې دي. د مخابراتو او معلوماتي ټکنالوجۍ وزارت په هیواد کې د یوازیني باوري مقام په توګه د ټکنالوجۍ په برخه کې هڅه کوي چې د نویو ټکنالوجیو په اړه پوهاوی ترلاسه کړي، د مخابراتو او معلوماتي ټکنالوجۍ وزارت د معلوماتي او مخابراتي ټکنالوجۍ د څیړنې ودې او د تخنیکي او مخابراتي فعالیتونو د پراختیا په موخه د دې وزارت تر چطر لاندې په ۱۴۰۴ هـ ش کال کې د تکنالوجۍ بریښنا پاڼي سیستم جوړ کړ چې موخه یې ۱) په معلوماتی ټکنالوچۍ کې نویو نظریاتو ته وده ورکول ۲) د نویو نوښتونو پیژندنه او د هغو ثبتول ۳) د معلوماتی ټکنالوجۍ په برخه کې عامه پوهاوی او د معلوماتو شریکول ۴) د معلوماتی ټکنالوجۍ په برخه کې اقتصادی فرصتونه، پانګوني،دواطلبی اړوند معلومات خپرول ۵) د ټکنالوجۍ په برخه کې نظریاتو ته وده او پرمختګ ورکول ۶) د نوښتګرو ځوانانو حقوقی او تخنیګی ملاتړکول. ”