د مخابراتو او معلوماتي تکنالوژۍ وزارت له ټولو شرایط پوره داوطلبانو څخه بلنه ورکوي، ترڅو د امنیتي کامرو د تجهیز او د یاد وزارت د ودانۍ د محوطې د دیجیتلي کېدو پروژې داوطلبۍ پروسې کې ګډون وکړي، او خپلې آفرونه د شرطنامې شرایطو، د تدارکاتو قانون او طرزالعمل له مخې ترتیب کړي او په مهر او لاک بڼه د ۱۴۰۴/۷/۱۲ نېټې د سهار تر ۱۰:۰۰ بجو پورې د مخابراتو وزارت د تدارکاتو ریاست ته، چې د ۱۸ منزله ودانۍ په ۱۴مه پوړ کې، د محمد جان خان واټ، دویمه ناحیه، کابل ښار کې موقعیت لري، وسپاري.

هغه آفرونه چې ناوخته ورسېږي یا د ایمیل له لارې واستول شي، د منلو وړ نه دي. داوطلبان کولای شي شرطنامه د مخابراتو او معلوماتي تکنالوژۍ وزارت له وېب‌پاڼې (www.mcit.gov.af) یا د ملي تدارکاتو ادارې د اعلانونو له وېب‌پاڼې (https://tenders.ageops.af) څخه ترلاسه کړي.

که چیرې داوطلبان ونه شي کولای چې شرطنامه له یادو وېب‌پاڼو څخه ډاونلوډ کړي، کولای شي د شرطنامې سافټ نسخه د مخابراتو وزارت د ۱۸ منزله ودانۍ د ۱۴م پوړ د تدارکاتو آمریت څخه د فلش ډرایو له لارې ترلاسه کړي.

داوطلبان باید د آفر تضمین د بانک تضمین په بڼه، چې اندازه یې پنځه سوه او اویا زره (۵۷۰۰۰۰) افغانۍ ده، د شرطنامې د مندرجاتو سره سم د آفر پرانېستنې غونډې ته وړاندې کړي.

د آفرونو د پرانېستنې غونډه به د ۱۴۰۴/۷/۱۲ نېټې د سهار په ۱۰:۰۰ بجو، د تدارکاتو ریاست دفتر کې، چې د یادې ودانۍ په ۱۴مه پوړ کې دی، ترسره شي والسلام.

سندونه:

د امنیتي کامرو د تجهیز او د محوطې دیجیتلي کولو د پروژې شرطنامې لینک

https://mcit.gov.af/ps/all-tenders

ښاغلي الحاج مولوی حمدالله " نعمانی"

د مخابراتو او معلوماتي تکنالوجۍ وزیر