د Windows 11 سیسټم کې د Settings برخې ته د AI agent اضافه کول
د مایکروسافټ په Windows 11 لپاره یو هوښیار مصنوعي استخباراتي (AI) اجنټ (نماینده) معرفي کړی  چې اوس د تنظیماتو (Settings)برخه کې کار کوي. 
دغه نوی AI اجنټ (نماینده) د دې لپاره ډیزاین شوی چې د کمپیوټر تنظیمات لا اسانه، چټک او هوښیار کړي او کاروونکي وکولای شي چې له دغه اجنټ (نماینده) سره طبیعي ژبه (لکه انګلیسي) وکاروي، پوښتنې وکړي لکه:
o    "زما کمپیوټر څنګه تیز کړم؟"
o    "وایفای ولې کار نه کوي؟"
o    "سکرین برېتنس څنګه بدل کړم"
   د (AI) اجنټ (نماینده) بیا د دغو غوښتنو له مخې سمې برخې ته کاروونکي لېږي، یا په ځینو مواردو کې مستقیم تنظیمات اجرا کوي.
دا بدلون د هغو کسانو لپاره ډېر ګټور دی چې له تخنیکي تنظیماتو سره بلد نه‌ وی  ځکه دا سیستم اوس د انسان په ژبه درک کوي چې ستونزه څه ده.
همداراز، دا ځانګړتیاوی (فیچر) اوس‌مهال په ازمایښتي ډول فعال شوی، خو تمه ده چې په نږدې راتلونکي کې ټولو Windows 11 کاروونکو ته وړاندې شي.